ki Pulit ki la wan pynkit ia ka met u Raja Raghuvanshi sha NEIGRIHMS ha ka por kumba 7 baje 7 shiteng ei ei mynta ka janmiet na ka bynta ban leh ia ka post mortem ban lap ia ka daw jong ka jingiap.
Ka jinglap jong ki Pulit ia ka met jong u Raja Raghuvanshi ka dei hadien 8 sngi ba ki la pynlong ia ka jingwad halor ka jingjah jong ki shijur hadien ba ki wan kai pyngngad sha Sohra.
Ka jingtrei shitom ki Pulit kaba la pynlong ia ka jingwad kaba jur wat hapdeng ka jinglong jingman jong ka suiñbneng. Ki Pulit ki la thaw ia ka Special Investigation Team (SIT) ban tohkit bniah hadien ba la lap ia ka met iap u Raja Raghuvanshi.
Hadien ba la lap ia ka met jong u Raja Raghuvanshi ki Pulit ki dang bteng ban wad sa ia ka kurim ka Sonam Raghuvanshi kaba dang jah rngai haduh mynta.
