Ka Seiñ Raij Tuber Higher Secondary School, Tuber Kmaishnong, ha East Jaiñtia Hills District ka la ïoh ban pynlong ïa ka fete kaba ar sngi lynter katta ha ka 24 bad ha ka 25 tarik mynta u bnai. Ka jingpynlong ïa kane ka fete ka long ban ïoh pynmih pisa na ka bynta ka jingtei ïa ka school thymmai kaba pynkha na ka skul kaba rim.
Ha ka sngi kaba khatduh jong kane ka fete, ka la don ka program kaba lyngkot bad ha kane ka program la wan ban ïadon bynta da ka MDC jong ka Narpuh Constituency ka Kong Deiwi Tongper kum ka Kongsan, u Ma Helping Phawa u President jong ka Seiñ Raij Tuber, u Ma J. Sana u Waheh Shnong ka Shnong tuber, u Bor Shylla, Ribaimi Ryngkhlem bad kiwei de kiba shah khot sngewbha.
Ha kane ka sngi ka la don ruh ka jingïaleh kai phutball ka Request Dkhar pyrshah ïa ka Dkhar Suchiang ha kaba ka Request Dkhar ka la ïoh ban thep 2 kol katba ka Dkhar Suchiang pat ka la ïoh ban thep 1 kol.
