Mynta ka janmiet u Block President jong Party NPP ka 2-Jowai Constituency u ma Darilang Lamare ula wan ban pynskhem ia ka NPP Unit ha snong Mookyrdup, Jowai ha ka jingiadonlang u MLA barim ka Constituency u ma Wailadmiki Shylla uba dei ruh u kyrtong ban iakhun na ka Party na kane ka juh ka Constituency.
Ia ka jingialang la pynlong ha ïing jong ka kong Lessmi Dhar da ka jingwan iashim bynta ki nongkyrshan ba shimrhem jong kane ka Party.
Ka NPP Unit Mookyrdup ka dei kaba la seng naduh u snem 2018 da ka jingthmu ban pynjop ia u kyrtong jong kane ka Party u ma Wailadmiki Shylla sha ka jingiajied nongmihkhmat sha ka ïing Dorbar thawaiñ ka Jylla (MLA) jong u snem 2018. Kane ka Unit mynta ka sngi kala ioh ban pynthymmai biang ia ki nongkitkam jong ka na ka bynta u snem 2023-28.
Ki nongkitkam ba thymmai jong kane ka Unit ki kynthup ia ka Wandakaru Phawa kum ka Chairperson, ma Chantre Lamare – Vice Chairman, ma Riky Dan – Secretary, kong Lessmi Dhar – Asstt.Secretary bad u ma Mikey Lywait kum u Adviser. La jied ruh 8 ngut ki Executive Member ka Unit.
Ha ka jingialang la ioh ka jingkren lyngkot na u kyrtong ma Wailadmiki Shylla uba la pynshai paidbah ia ki jingtreikam jong u ha kine ki 5 snem bala dep.
Na ka liang jong u ma Darilang Lamare shwa ban pynskem ia kine ki nongkitkam thymmai ka Unit ula kyntu ia ki nongkitkam bad ki dkhot baroh ban long kiba treishitom shuh shuh nangne shakhmat khnang ba kin nanglah shuh shuh ban wanrah shibun ki vote ban pynjop donburom biang ia u kyrtong ka Party u ma Wailadmiki Shylla.
Kane ka long katkum ka jingpyllait khubor na u Secretary ka NPP Unit Mookyrdup, 2-Jowai Constituency ma R. Dan.