Mynta ka sngi u Myntri Rangbahduh jong ka ri India u Narendra Modi ula wan ban sakhilang ia ka jingpynbamsmai ia u Myntri Rangbah ka Jylla u Conrad K Sangma bad ia ka kynhun Myntri jong u ia kaba la pyndep da u Lat ka Jylla u Phagu Chauhan ha Raj Bhavan, Shillong.
Ia u Narendra Modi la synrang lang da u Myntri ka tnat Kampohïing ka ri India u Amit Shah lem bad u National President jong ka BJP u J.P. Nadda, nalor kiwei de ki kynrem ki lyndan.
Ki myntri kiba la bam smai mynta ka sngi, ki kynthup ia u Conrad K Sangma kum u Myntri Rangbah, u bah Prestone Tynsong bad Sniawbhalang Dhar kum ki symbud myntri rangbah. Katba ki myntri ki kynthup ia u bah A. L. Hek, ka Dr. M Ampareen Lyngdoh, u bah Paul Lyngdoh, u ma Coming-one Ymbon, u A.T. Mondal, u Kyrmen Shylla, u Marcuise N. Marak, u Rakkam A. Sangma bad u Shakliar Warjri.
