Ka Seiñ Khynroo Khyllood Katholik Good Shepherd Parish Ladrymbai, Jowai Diocese ha ka 21 bad 22 tarik mynta u bnai hapoh ka jingialam u Ripos Lyngdoh kum u President bad u Wellson R D Siangshai General Secretary kila pynlong ia ka jingiaseng Annual Feast Day lane ka Sngi burom ki Samla jong ka Parish kaba la ju pynlong shisien sha snem ha ka Balang jong ka shnong Rangad bad ka matpdeng ka long “Ngam lah ban leh ia kiei kiei ki bakhraw, hynrei nga kwah ban leh kiei kiei baroh, wat ia ka barit tam, na ka bynta ka burom bakhraw jong u Blei” Ki kyntien u St. Dominic Savio.
Ha ka sngi sdang la pyndep ia ka Mass Bakhuid ba la pyndep da u Spiritual Youth Director u Rev. Fr. Ebormitre H Lamare uba long u Asstt. Parish Priest, pynbud sa ka jingpynher ia ka Lama ka seng da u ma T. Suchiang kum u Kongsan uba la ai ruh ia ka jingsneng jingkyntu ia ki khun samla ban long kiba imbha im miat ha ka jinglong akor.
Ha kane ka jingiaseng la ioh ia ka jingialap na u Jimmy Pdang uba dei u Advocate na ka shnong Tluh, East Jaintia Hills halor ka phang “Ki Samla ba laitluid”
Ha ka sngi u Blei la ioh ban pynkut ia ka jingiaseng da ka Mass Bakhuid ryngkat ka sneng ka kraw na u Rev. Fr. Ebormitre H Lmare ryngkat ka jingsynranglang u Rev. Fr. Aibor D Nongbah kum u Parish Priest.
Ha kane ka jingiaseng ki samla na ki 24 tylli ki Balang kiba don hapoh ka Parish Ladrymbai bad kumba 230 ngut ki Delegates kila wan ban iashim bynta.
Kala don ruh ka Debate Competition halor ka phang “Child Marriage”, ha kaba u Sanky Lyngdoh ula long u nongjop ha ka kyrdan kaba nyngkong, u Vincent Rymbai ula wan baa r bad ka Youfreesia Dkhar kala wan b alai.
Ha ka Bible Quiz Competition pat la wan ba nyngkong na ka Moolamanoh Circle ba la mihkhmat da u Weibanki Dkhar, u Kheinlang khaii bad u Nicolas Sumer. Ka Pamra- Jalyiah Circle ba mihkhmat da u Shaniahbha Shylla, u Edisuk Markus Dkhar bad u Donbokmiki Siangshai ha ka kyrdan ba Ar katba ha ka kyrdan ba Lai la ioh da ka Iongkaluh-Sanshnong Circle ba mihkhmat da u Ridapmi Sana, u Ambrose Dkhar bad u Thehsbun Kyndait.
Ha ka Bible Skit Competition la ioh Nyngkong da ka Balang Chong Pamrakmai, Balang Chong Jalyiah ha ka kyrdan ba ar bad ka Balang Chong Iongkaluh ha ka kyrdan ba lai.
La pynphuh pynphieng ia kane ka jingiaseng da ki rwai bad ki shad. La ioh ia ka jingkren ai khublei da u Wellson RD Siangshai bad la pynhap ia ka Lame da u Spiritual Youth Director.