Mynta ka sngi u MLA jong ka UDP ma Lahkmen Rymbui u la wan ban synran ia u Ma Damian S War kyrtong jong ka UDP na ka 10 Mynsngat-Khanduli Constituency ha ka jingiasynrang lang u MDC ka thaiñ ma Dawan Lyngdoh bad kiwei de ki riew Rangbah jong ka party ki Rangbah ka thaiñ bad ruh da ki spah ngut ki nong kyrshan jong u ma Damian S War ha shnong Tamu ban wan ai jingkyrshan ha kane ka sngi.
U ma Lahkmen Rymbui ha ba wan pan ka jingkyrshan ia u kyrtong ka party u la ong ba kum ka party ka pdiang ia u Damian War sha ka party ka long hadien ka jingia syllok bad u MDC ka thaiñ u ma Dawan Lyngdoh bad u la iohi ruh ba ki paidbah ka thaiñ ki angnud ban jied ia u ma Damian War kum u kyrtong MDC ban ia khun ia kane ka election sha JHADC.
U ma Lahkmen u la kyntu ia ki paidbah ka thaiñ ban jied ia u briew uba la ih ha ka kam imlang sahlang bad ruh uba don ka nongrim ban shakri ia ka imlang sahlang, ka ri bad ka jait bynriew.