Ki nongpeit pyrman halor ka jingpynlut pynsep ne ki Expenditure Observers kiba la phah da ka Election Commission of India na ka bynta ka 1-Shillong Parliamentary Constituency kila wan poi mynta ka sngi ha nongbah Shillong na ka bynta ban peitthuh halor kane ka kam ha ka jingiadei bad ka Elekshon sha ka ïing Dorbar Thawaiñ ka Lok Sabha, 2024.
Kine ki Observer kiba kynthup ia u Kamlesh Kumar, IRS bad u Satyapal S. Meena, IRS kin don ha State Convention Centre, Shillong. Kino kino kiba donkam ban kylli jingkylli, ai jingujor ne ban ioh kino kino ki jingtip nalor kiwei de ki jingdonkam, ki lah ban ia kynduh ia kine ki ophisar ha katei ka jaka.
U Kamlesh Kumar, IRS, un long u nongpeit pyrman jong ki Constituency kiba kynthup ia ka 1-Nartiang, 2-Jowai, 3-Raliang, 4-Mowkaiaw, 5-Sutnga Saipung, 6-Khliehriat, 7-Amlarem, 8-Mawhati, 9-Nongpoh, 10- Jirang, 11- Umsning, 12- Umroi, 13- Mawryngkneng, 14-Pynthorumkhrah, 15-Mawlai, 16-East Shillong, 17-North Shillong, 18-West Shillong.
Ka Contact Number jong u ka long 9863908237, ia u lah ban phone na ia kynduh naduh ka por 10:00 AM haduh 4:00 PM.
Katba u Satyapal S. Meena, IRS, u long u nongpeit pyrman ia ki Constituency ba kynthup ia ka 19-South Shillong, 20-Mylliem, 21-Nongthyrnmai, 22-Nongkrem, 23-Sohiong, 24-Mawphlang, 25-Mawsynram, 26-Shella, 27-Pynursla, 28- Sohra, 29- Mawkynrew, 30- Mairang, 31- Mawthadraishan, 32-Nongstoin, 33-Rambrai, 34- Mawshynrut, 35-Ranikor bad 36-Mawkyrwat.
Ka Contact Number jong u ka long 9863910731, ia u lah ban phone na ia kynduh naduh ka por 10:00 AM haduh 4:00 PM.
Kane ka long katkum ka jingpyllait khubor na ka ophis jong i District Election Officer, East Khasi Hills District, Shillong.