Ka Dorbar ba Kyrpang (Special Session) jong ka Jaiñtia Hills Autonomous District Council (JHADC) kaba la long mynta ka sngi Balang 7 tarik u Nailar, 2024 kala wanrah ïa ka Bill “The Jaiñtia Hills Autonomous District (Constitution of District Council) (Amendment) Bill, 2024”.
Ïa kane u Chief Executive Member ka JHADC ma Thombor Shiwat ula pynsngew katkum ka Assam and Meghalaya Autonomous Districts (Constitution of District Council) Rules, 1951, ïa kaba la dep ai bor haka Delimitation Committee ka JHADC ban lum jingkheiñ halor ka jingphiah bad pynbeit thymmai ïaki 29 tylli ki Constituency.
Ïa ka Dorbar mynta ka sngi la pynïaid da u shnongknor ka JHADC u Dr. Sanki Shangpung, hadien bala wanrah ïa kane ka Dorbar, kiba bun na ki MDC kila pynsngew bala donkam ban ïatai sani bha ïa kane ka Bill lashai ka sngi 8 tarik u Nailar, 2024. Na ka liang ka Dorbar lyngba u songknor ula shim ïa ka rai ban pynlong ïa ka jingïatai lashai ka sngi hashwa ban monjur ïa ka.
Kane ka jingphiah ïa ki 29 tylli ki Constituency ka JHADC ki kynthup ïa ka ïaka War-East, War-Central, War-West, Amwi-Khliehtyrshi, Mukhla-Ummulong, Moodymmai-Nongkhroh, Nartiang-Wahiajer, Moodop-Umladang, Mynso-Nongjngi, Mynsngat-Khanduli, ShilliangMyntang, Barato-Mukroh, Saphai-Sahsniang, Mowkaiaw, Raliang, Shangpung, Nangbah-Mihmyntdu, Jowai-North, Jowai-South, Muthlong-Sohkymphor, Tuber-Wapungshnong, Musniang-Rangad, Rymbai-Khliehriat, Sutnga-Narwan, Sutnga-Nongkhlieh, Sumer, Saipung-Nongkhlieh, Narpuh bad ka Bataw-Lakadong Constituency.