Kane ka dei ka Khana shaphang u Ngalong Sukhlaiñ ba shong ba sah ha kawei na ki dong ha nongbah Jowai:
U Ngalong Sukhlaiñ ba 33 snem ka rta u dei na ka shnong Shnongrim, East Jaintia Hills, u dei u khun jong ka kong Nitrik Sukhlaiñ Bad u Niios Udin, ia u la kha ha ka jinglong kyrpang kata ha ka jingtlot jong ki kjat ki bym lah ban kyrshan ia ka long rynieng jong u. Haba u iaid u hap ban shu kyrshan tang da ki kti ha madan.
Mynta u Ngalong u shong u sah ha kawei na ki dong ha nongbah Jowai kata ha Memory Colony lane kaba ju khot ka dong Mooralong.
Wat la u Ngalong u don ha kane ka khep jong ka jingim, kaba sngewtynnad pat ka long ba u long uba trei shitom katba shong la ka buit ka bor ban ioh pyndap bam ialade bad iala ka ïing ka sem jong u. U don la ka longïing longsem bad ka lok jong u ka dei ka kong Ridiancy Pohkyrnu, ki don lai ngut ki khun, iwei i kynthei bad 2 ngut shynrang.
Manla ka step u mih nala ïing ban leit trei bylla ha kawei ka jaka shna Mobile kaba kyrteng ka Bina Brother kaba don ha Blis Complex, Ladthalaboh, Jowai hajan Iawthymme.
U Ngalong u hap ban shah ia u slap, ka lyer bad ka sngi. Teng teng ka long kaba isangsot ba peit ia u haba u hap ban ap kali (Local Taxi) da ki bun bun kynta ban ioh leit sha jingtrei bad kumjuh ban ioh leit phai shala ïing, namar bunsien ki nongniah Local ki kyntait ban kit ia u khamtam lada dei ka por slap.
Man la ka por u la pyrshang ban wad jingiarap na ki Nongmihkhmat bad ki Sahep sorkar, hynrei ym don satia ba treh ban iarap ia u haduh mynta mynne.
Mynta to ngin peit ia ka iaid ka ieng, ka trei ka ktah jong u Ngalong bad ngin sngap ruh ia ka jingiakren bad u lyngba kane ka YouTube video harum.