U President jong ka seng JNC u bah Sambormi Lyngdoh hadien ka jingwai jong ka jingialang na ka bynta ban pyrshah jur ia ka jingthmu jong ka sorkar ban wanrah ia ka lynti rel hapoh ka ri lum Jaiñtia, ula pynpaw ba dalei lei ruh ka seng kan ym ai lad satia ia ka sorkar jylla ban wanrah ia ka rel hapoh kine ki thaiñ.
Haba ioh ban buh ia ka jingkylli na kaei ka daw ba pynlong ia ki ban pynlong ia kane ka jingialang bad lada ka sorkar kam sngap ia ka jingdawa jong ki kin leh aiu lane ka sien jam aiu ba kin leh na ka liang ka jong ka seng? U bah Sambormi u ong ba lada ka sorkar kam sngap ia ka jingdawa jong ka seng, ba ka jail kaba don ha ka nongbah Jowai ka sorkar ka lah hap ban pynheh noh ia ka namar ki kloi wat ban shong phatok ruh. Lada jia ha kano kano ka rukom ruh la ka dei da bor met ne da kano kano ki nongkyrshan jong ka JNC ki lah kloi ban iakhun tad haduh ka sorkar kan sngap ia ki.