Ka ophis u District Sports officer, West Jaiñtia Hills District Jowai shen kan sa sdang ïaka jingïalehkai Basketball jong ki khynnah skul kaba la tip kum ka “Inter School Open Basketball Tournament-2024” na ka bynta ki khynnah kynthei bad ki shynrang ka ban long ha kane ka taïew ba khadduh jong u bnai Nailur, ha madan Kiang Nangbah Stadium, Jowai.
Na ka liang ka ophis u DSO Jowai ka khot bad wer ïa baroh ki skul hapoh ka “Higher Secondary Level” na ka District ba kin wan ïashim bynta ha kane ka lympung.
Ka tarik ba khadduh ban pynpoi ïa ka Entry kan long haka 19 tarik u Nailur, 2024. Kino kino ki skul kiba don jingmut ki lah ban leit shim ïa ka Entry na katei ka ophis u DSO, ha ki por ba long trei, Katba ïa ka tarik bad ka jaka ban pynïalehkai yn sa pynbna pat hadien.