Ka Behdeinkhlam jong ka Raij Mukhla mynta u snem kan long ha ka 23.08.2022, ha Biar (Aitnar) kaba don ha Mukhla Nongrim naduh ka por 1.00 nohphai sngi.
Hadien ar snem ba ki paidbah kim ioh shuh ban ia shim bynta na ka daw jong ka khlam COVID-19, hynrei mynta u snem pat ki la ioh ban ia shim bynta laitluid kumba ju long ha ki snem ba mynshwa. Kumta na ka liang jong ka Seiñ Raij Mukhla ka khot bad wer sngewbha ia ki paidbah ban ia wan sakhilang ha kane ka sngi.
Mynta u snem yn wan ban sakhi ia ka Behdeinkhlam jong ka Raij Mukhla da u Myntri Rangbah jong ka jylla Meghalaya u Conrad K. Sangma bad kiwei de ki kynrem ki lyndan ba shah khot sngewbha.
Kane ka long katkum ka khubor ba la pyllait da u General Secretary ka Seiñ Raij Mukhla, u ma T. Sumer.
