Ka Wapung Sports & Social Welfare Organisation ka khot ka wer ia ki paidbah sha ka 29th Gold Cup Knockout Football Tournament 2023 ka ban sdang naduh ka 23 tarik mynta u bnai, ka ban sa pynlong ha madan ialehkai jong ka shnong Wapungskur, East Jaiñtia Hills.
Ha ka sngi sdang jong ka jingialehkai kata ha ka 23.09.2023 yn plie pyrda ia ka jingialehkai hapdeng ar tylli ki team ba pawnam napoh ka thaiñ Rilum Khasi, Jaiñtia kiba kynthup ia ka DWRC pyrshah ia ka SSFA ha ka por 1:15 PM. Kine ki team baroh ki don ia ki player ba kynsai bad pawnan bha napoh ka Ri bad nabar Ri kumjuh.
U Kongsan ha katei ka sngi un dei u ma Tiufill Shadap bad ar ngut ki symbud Kongsan ba kynthup ia u ma Dimitrios Rymbai bad ma Gismon Dkhar. Yn sa don ruh ki jingpynbyrngia ba bun jait.
