Ka ophis jong u Deputy Commissioner, ka West Jaiñtia Hills District, Jowai ha ryngkat ka jingïatreilang bad ka ophis u District Sports Officer, West Jaiñtia Hills District, Jowai kin pynlong ïa ka jingïakop mareh marathon kaba la tip kum ka ‘Fit India Freedom Run 5.0 & National Unity Day Run, 2024 (Rashtriya Ekta Diwas)’ ka ban long haka 31 tarik u Risaw, 2024, na ka bynta ki shynrang bad ki kynthei (open category).
Ïa kane ka jingïamareh yn sdang ban kaweh lama na Main Gate Kiang Nangbah Stadium (Starting point) bad ïaid lyngba ka Ladthadlaboh Main Road – Jowai Public School – Gate Polytechnic – Kshaid Rymphum – Salaroh – Dulong Poh-hali Road – Dulong – Pamhadem – Panaliar(Civil Hospital) – Iongpiah – Mission Compound – H.K. Singh School – D.C Office – New Hill – National Highway ban pynkut ha Kiang Nangbah Indoor Stadium (Finishing point).
La pyntip baroh ki ban ïashim bynta ha kane ka jingïamareh ki lah ban ai kyrteng (Spot Registration) ha katei hi ka sngi ha Kiang Nangbah Indoor Stadium, Jowai naduh ka por 5:30 am mynstep.
Na ka liang u District Sports Officer, West Jaiñtia Hills District, Jowai ma K. Passah ula khot sngewbha ïa baroh kiba dei napoh ka West Jaiñtia District ba kin wan ïashim bynta lang ha kane ka jingïakop mareh.