Haba kren sha ki lad pathai khubor na ka liang u Bah Thomas Passah Working President jong ka Khnam u la ong ka jingkwah jong ki briew kiba sah ha Them ÏewMawlong ka long ba kim don kata ka jingmut ba kin mih natei ka jaka.
Ka jingthmu ban pynkynriah ia kine ki briew ba sah ha Them ÏewMawlong ka long ar bynta ka bynta kaba nyngkong ka dei ba ki sah beaiñ kaba ar pat ki pynkhapngiah ia ka ïew.
U la pynpaw na ka liang jong ki briew kiba sah beaiñ ha them ÏewMawlong ki kwah ban sah noh ban ioh ia ka jaka na ka liang ka tnad shipai hapoh lum survey kaba don hajan ka jaka ba ki sah mynta.
Na ka liang ka Khun Hynniewtrep National Awakening Movement (KHNAM) ka pynpaw lada pynkynriah ia ki ba sah ha Them ÏewMawlong ha lum survey ka jingkhapniah kan long kumjuh namar kam pat jngai kata kata.
Ki jingeh kiba ki paidbah ki iakynduh na ka por sha ka por ka jingdon ki briew ba sah ha Them ÏewMawlong kan iai don bad kan nym jah da lei lei.
Na ka liang ka Khnam kumba pynpaw naduh ki por mynshwa ka la kyntu ia ka sorkar ia kine ki briew kiba sah ha Them ÏewMawlong dei ban pynkynriah noh ia ki namar ki dei ki nongtrei sorkar ha ki tnad bapher bapher khamtam ha ki tnad Municipal khlem artatien ha kano kano ka lynti ha ka jingshisha dei ban pynkynriah noh sha ki Quarter jong ki Ophis sorkar bapher bapher jong ka Jylla.