Hadien ka jingtur jong ki dkhot ka KSU hynne ka sngi ka 11 Lber sha Assembly, halor ka jingthmu ban wanrah ia ka Meghalaya State Investment Promotion Facilitation Act hapoh ïingdorbar.
Na ka liang ka sorkar ka la khot iakren ia ki nongialam jong ka KSU hynne ka janmiet. Ki Nongialam jong ka KSU kim hun ia ka kaei kaba ki la iakren ha ka jingiakynduh bad ka sorkar.
Haba kren sha ki lad pathai khubor na ka liang u President jong ka KSU u Bah Lamborstar Marngar u la ong, na ka liang ka Seng kam hun ia kane ka jingiakren bad ka sorkar namar ka dang dap shibun ki jingartatien bad hap ban pynbha shwa ia ka Principal Act namar shibun ki jingduna lehse ioh ka long ka jingriam ia ngi ki Khasi ha ka jinglongtrai ia ka khyndew ka shyiap bad kumjuh ia ka jinglong ba kyrpang jong ka jaitbynriew. U la ong ruh ba na ka liang ka sorkar ki dang donkam shibun ka por ban pdiang ia ka jingai jingmut jong ka Seng KSU kata ruh tang da ka ktien ym da ka jingthoh.
Shuh shuh u la bynrap ka sorkar kan dang kren shuh shuh ia kane ka aiñ MSIPFA ha ka Dorbar synrai bad haduh katno ngin shaniah, na ka liang ka Seng ka la ong ba kam hun ia kane ka jingiakren mynta ka sngi bad kan sa shong ia ka jingialang CEC ban iathir, ia tai, haba iadei bad kane ka aiñ MSIPFA namar ka Seng ka ong ba kane ka aiñ kan long ka mawjynthut ia ka jaitbynriew.