Ha ka jingïadei bad ka jingthurmur ka rukom pynlong eksam NEET ha Jowai bad ha Nongpoh, ki samla pule kiba thoh ïa kane ka NEET eksam ha Jowai bad Nongpoh kaba dang shu dep ki don ym duna ïaka san spah (500) ngut kiba la thoh ha kine ki ar tylli ki Center bad kane ka jingthurmur ka rukom pynïaid ha kine ki sngi bala dep kala pynduh mynsiem ïaki.
Halor kane ka seng JSU bad KSU ryngkat bad ki khynnah pule kiba thoh ïaka NEET kila phah daka shithi ujor sha ka NTA bad sha ka sorkar jylla ban pan jingshai haka rukom pynïaid eksam ha kine ki ar tylli Center hynrei mynta la kumba 2 taiew tam ym pat ïoh ïaka jubab na ka NTA bad kane ka buh ïaki khynnah haka jingdum haduh mynta.
Ha ka jingïalang ba dang shu dep ban pynlong hynnin ka sngi ha Jowai la don lang ki khynnah pule ba thoh NEET, ki kmie ki kpa ha ryngkat bad ki nongïalam JSU bad KSU na West Jaiñtia Hills District Unit kala mih ka sur jingpynrem jur ïaka sorkar jylla da kaba ong ba shawei ki jylla kum ha Telangana bad sha kiwei ki la ïoh ïaka jubab na ka NTA halor ka jingthurmur ka rukom pynlong ïaka eksam NEET kaba la dep hynrei ka sorkar jylla jong ngi tat haduh mynta kam pat ïoh jubab na ka NTA.
Na ka liang kane ka kynhun ka dawa da kaba tyngeh ïaka sorkar jylla ba ka dei ban ïakren bad ki heh ka NTA na Delhi halor ka kaiphod kaba ka la phah napoh ka jylla bad ka NTA ka dei ban jubab kloi namar ka result NEET mynta u snem kala jan ban mih.
