Ka ophis treikam jong i Deputy Commissioner (Supply), East Khasi Hills District ila ai ka jingpyntip sha baroh ki paidbah kiba hap hapoh ka East Khasi Hills District, ba ka ophis kala ioh pdiang bun tylli ki jingkyrpad ban kynthup lang noh ia ki dkhot longïng ba thymmai hapoh ka BPL (Below Poverty Line) Card khnang ban ma ki ruh kin ioh jingmyntoi lang.
Hynrei i DC Supply i la pynshai ba ia ki dkhot jong ka longïing kiba dang thymmai yn pat lah satia ban pynrung lang namar ba ka jingbuh jingkheiñ ban sam ia ki marbam sha u paidbah ka dei katkum ka jingkheiñ ba la ai da ka sorkar pdeng lyngba ka Socio Economic bad ka Caste Census jong u snem 2011. Kumta halor kane la pyntip ba ki paidbah ki dei ban ap tad haduh ban da ioh da ka jingkheiñ ba thymmai na ka Socio Economic bad Caste Census, ba yn sa lah ban kynthup lang ia ki dkhot ba thymmai jong ki longïing ban ioh jingmyntoi.