Ha ka jingiadei bad ka sngi ñiew vote ka ban long lashai ka sngi, na ka liang u District Election Officer, West Jaintia Hills Ula pynmih katto katne ki kyndon kiba donkam ban bud ryntih.
La khang ba ym pat shah ban pynlong ia ki jingiaid paidbah ne ki rali jong uno uno u kyrtong hadien ba la dep pynbna jop ia u, bad kane ka hukum kan treikam haduh ka por 4:00 pm jong ka 4 tarik mynta u bnai.
La khang ia ka jingialum paidbah habar jong ka jaka ñiew vote, katba dang iaid ka jingñiew ia ki vote.
Yn ym shah ia ki paidbah ban ia kynhoi ne pyrta ha ka jaka ba pynlong ia ka jingñiew vote, kat bym pat dep ka jingñiew bad ka jingpynbna ia ka result.
Yn ym shah ia kino kino ki kyrtong ne ki seng saiñ hima ban pyndonkam ia ki kor pynsawa, ne lehkmen hajan ka jaka ba pynlong ia ka jingñiew vote.
Na ka bynta ban ioh rung shapoh ki jaka ñiew vote, u DEO ula pyntip ba yn shah tang ia kito kiba don ia ki ID card. Na ka bynta ki kali pat ban ioh rung sha ki jaka ba pynlong ia ka jingñiew vote ki dei ban don ia ki Car pass bala pynioh da ka ophis u DEO ka West Jaiñtia Hills
Ym shah ban rah ia ki Mobile phone bad ki camera shapoh ki jaka ñiew vote.
Baroh ki counting centre kin dei ki No Smoking Zone.