Ka Khasi Students’ Union (KSU) War Jaiñtia Circle sa shisien kan pynlong ïa ka 5th Maitshaphrang Academic Award 2025 ban pynkup burom ïa ki samla pule jong ka thaiñ War Jaiñtia kiba hap hapoh ka Amlarem Sub-Division bad kiba la pass bha ha ka examine SSLC, HSSLC, Graduate bad Post Graduate.
Ka jingthmu jong ka seng ban pynlong ïa kane ka jingpynkup burom ka long kum shibynta ban ai mynsiem bad pynshlur ïa ki khun samla jong ka thaiñ ha kaba kin trei shitom bad minot thop ban ïoh kheit ïa u soh bathiang jong ka jingjop.
Ka tarik ba khadduh ban pdiang ïa ki marksheet kan long haka 16-06-2025.
Yn pdiang 75% shaneng ïa kiba pass naduh SSLC bad HSSLC, ïa ki Graduate bad Post Graduate 70% shaneng.
Kumta ka seng ka khot bad wer ïa ki khun samla jong ka thaiñ ba kin sngewbha ban pynpoi ïa ki marksheet jong ki da kaba shu phone ha kine ki number ba phin ïoh ïa ki jingbatai ba bniah.
Ïa kane ka jingpynkup burom yn sa pynbna ïa ka tarik bad jaka ha ki khyndiat sngi ban wan.
Ki samla pule ki lah ban phah ïa ki Marksheet ha kine ki WhatsApp Number harum bad ki lah ruh ban phone na ka bynta ka jingtip kaba bniah ha kine ki no-6009242315, 70059 62523, 70058 53349.
Kane ka long katkum ka kyrwoh ba la phah da u Lop Stevenson Khonglah, President KSU War Jaiñtia Circle, u Platini Mukhim General Secretary bad ka Ladaplin P Hayong ka Education Secretary.