Na ka liang ka JCCC ka la iohi ia ki jingheh bad ka jingud ki samla wad kam wad jam kiban ialeh ia ki competitive exam, te namar kata ka JCCC ka la shim ia kane ka sienjam ban ai free Coaching Class ia ki samla khnang ba kin ioh guidance bad ioh jinghikai na ka bynta competitive exam bapher bapher.
Ka Jaintia Career Coaching Centre, kan sa pynlong ia ka entrence test na ka bynta ban jied ia ki khynnah ban ioh rung ha kane ka free coaching Classs. Ia ki form na ka bynta kane entrance test lah ban ioh na ka centre ka ba don ha Moowamon, Mihmyntdu (Opp. DTO Jowai). Ia ka entrance test yn pynlong ha ka 26 tarik March, 2022 bad ia ka Coaching Class yn sdang naduh ka 4 tarik April 2022.
Ka JCCC ka la iohi ba bun ki samla kiba don ka mon ban iakhun MPSC, bad DSC exam hynrei ym don Coaching Centre ban iarap ia ki hapoh Jaiñtia Hills, dei namar kata ka daw ba duna eh ki ba pas ia kane ka competitive exam .
Shuh shuh ka JCCC ka la kyntu kynpham ia ki khun samla wadkam wadjam bad trei shitom bha ha kano kano ka kam khnang ba kin lah ban poi sha ka thong jong ki.
Ia ki jingtip ba khambniah lah ban wan mih sha centre lane phone ha kine ki number, 7640092181 /8837292299
