Ka State Council of Science, Technology & Environment, Meghalaya kan sa pynlong ia ka prokram ba ar sngi halor ka phang Master Resource Training na ka bynta ban jied ia ki Nonghikai na ki District bapher bapher jong ka Khasi bad Garo Hills kaba long shi bynta jong ka National Children’s Science Congress 2022. Ka phangpdeng jong kane ka snem ka long “Understanding Ecosystem for Health and Wellbeing”.
Ia kane ka jingai jinghikai yn pynlong ha ka 26 bad 27 tarik mynta u bnai ha TOILS, Mawroh na ka bynta ki Nonghikai kiba na Khasi Hills. Katba na ka bynta ki Nonghikai jong ka Garo Hills yn pynlong ha ka 14 bad 15 tarik u bnai Jylliew ha SMELC, Tura.