Hadien ba ka Elaka Lakadong Sports Association (ELSA) kala pynsangeh shipor Ia ka lympung ialehkai ka ba tip kum ka Elaka Lakadong Knockout Football Tournament 2021-22 (ELKF) haba ia ka Semi final yn pynlong pat ha ka 11-03-2022 ha madan football jong ka shnong Borghat.
Ha ka jingiakhun kaba nyngkong yn iakhun ka Lakadong Ummat FT pyrshah ia ka Borghat FT ha ka por 12:00 Pm.
Ha ka jingiakhun kaba ar pat yn iakhun ka Lama FT pyrshah ia ka Lakadong Umlatdoh FT ha ka por 2:00pm
Ka ELSA ka ai ia kane ka jingpyntip sha ki nongialam shnong bad kumjuh ki nongkitkam jong ka Association na ka bynta katei ka Semi final bad ban leh ia kaba donkam. Ha ka juh ka por ka Association ka kyrpad ia ki padbah riewieit football khamtam ki nongkyrshan jong kitei ki shnong na ka bynta ban iawan sha kane ka semi final khnang ba kan long kaba shongshit.
Kane ka long katkum ka jingpynlait khubor na ua Namphrangmi L. Talang, General Secretary ELSA.