Ka seng ki Nonghikai Meghalaya Upper Primary SchoolTeachers Association (MUPSTA) ha ka jingialang ka Central Executive Committee jong ka, ka ba la long ha ka tarik 10 February 2022 ha Mawkhar Christian Hr Sec School,Mawkhar, Shillong da ka wei ka jingmut ka la shim ia ka rai ban bteng biang ia ka jingiakhih jong ka da ka ba shong kyllaiñ myngngor ha ka 25 February 2022 ha baroh ka wei ka Meghalaya naduh ka por 11.00 AM haduh 3.00 PM. La rai ba ka ne ka jingshong kyllaiñ myngngor yn pyllong beit ha man la ki head quarter jong ki District ba pher ha ka jylla baroh kawei bad ia ki jaka pynlong jingiakhih, la shaniah beit ha ka jingstad jong ki Unit bapher bapher ban pynbeit. Ka ne ka jingiakhih ka long kum shibynta ban pynbor ia ka sorkar ban pynurlong noh ia ki jingdawa jong ka seng kata ban kyntiew deficit noh ia baroh ki 844 tylli ki Adhoc Upper Primary School ki ba don ha ka jylla baroh ka wei.
Namarkata ka Seng ka kyrpad ia baroh ki Unit bapher bapher ban shimkhia bad ban pynlong ba ka ne ka jingiakhih yn ia shim bynta lang ryntih da baroh ki Nonghikai khnang ba kane ka jingthmu bad jingangnud jong baroh ki Nonghikai kan long ka bajop.
Kane ka long katkum ka kyrwoh na u m E.G War Organising Cum Publicity Secretary MUPSTA Central Body.