Ka Khasi Students’ Union (KSU), Jowai Unit hapoh ka jinglamkhmat u President samla Ewanmi Phawa, u General Secretary samla Nidapoi Shadap, u Leonard Dhar bad ki dkhot ka Jowai Unit kila ïoh ban leit ïa kynduh bad u bah B. Warjri uba dei u General Manager ka District Commerce & Industries Centre, West Jaiñtia Hills District.
Ha kane ka sngi ka KSU kala ïoh ban pynsngew ïaka jingsngew diaw namar ba hapoh kane ka Centre ka Training ba dei ban ïoh kum ka Carpentry ka la duh noh mynta la bun bun snem namar ki jing bym don shuh ki Nonghikai Carpentry, Machinist bad kiwei kiwei de.
Naka liang u General Manager kane ka Centre ula pynsngew ba naka liang jong u ruh ula dep ban pyntip sha ki bor ba dei khmih ïa ki kam ban thung ïa ki trainers khnang ban lah biang ban ai Training ïaka Carpentry tangba ka sorkar kam pat leh haduh mynta.
Kum ban shuh pynkynmaw ba haka 19/05/2022 ka KSU ka la leit jurip ïa kane ka Office bad la lap ba ki jait Training kum ka Carpentry kam treikam shuh namar ka jing bymdon ki Nonghikai.
Ha kane ka kynti ka KSU kala lap lyngba ka RTI ba don haduh 19 tylli ki post ba lait thylli ha kane ka office bad ka dei ruh kane ka dawbah ba dkoh ka office ban ai jingshakri ïa ki paitbah.
Ia kane ka kam ka Seng kan ym shongthait kan sa pyntip sha ki bor ba dei khmih ïa ki kam Recruitment hapoh ka DSC, khnang ba yn sa lah ban pyntyllun biang ïaki jait Training bala duh noh hapoh kane ka Centre khnang ba ki samla seng kam lajong kin ïoh jingmyntoi, pynkut ka kyrwoh bala phah da u samla Dao Langstang, Publicity Secretary ka KSU Jowai Unit.
