U Myntri Rangbah Ka jylla u Conrad K Sangma haba kren sha ki lad pathai khubor halor ka jingiakhih ki nonghikai ka Federation of All School Teacher of Meghalaya u la pyntip ba ka jingdawa jong ki ka long ban kyntiew ia ka jingsiew, ym ba ki dawa ba ki khlem ioh tulop, bad na ka liang ka sorkar kan shong bishar bniah haba iadei bad ka jingdawa jong ki nonghikai ka Fastom kiba dang shong iakhih mynta ha madan Malki.
Na ka liang u Myntri Rangbah u la pyntip ym ba ka sorkar ka shong kli kti na ka bynta ki nonghikai bad ka hap peit bad bishar bniah namar kiwei ki nonghikai jong ka SSA bad ki nonghikai ADHOC ki dawa ia la ki jong ki mat bad ka sorkar kan sa shong pyrkhat bha shwa ban shim ia ka rai halor ka jingdawa jong ki nonghikai ha ka jylla.
Kum ban shu pynkynmaw ka jingmih iakhih ki nonghikai Fastom ka long ban kyntiew kyrdan ia ki na ki ADHOC sha ki deficit bad ki la sdang ban shong iakhih kyllain mynngor naduh ka 22 tarik Nailur 2025 bad mynta la iaid 9 sngi ka jingiakhih jong ki nonghikai FASTOM.
