U nongwad RTI na East Jaiñtia Hills District ha ka 13 tarik u bnai risaw 2025 u la ïoh ïa ka jubab RTI kaba ar kaba u lah dep ban buh ha ka Office u Deputy Commissioner ka East Jaiñtia Hills District katta naduh ka 9 tarik u bnai july 2025.
U Bah Reachingson Siangshai u ong ba un ym donkam shuh ban siew ïa ka RTI namar ba ka lah kut por ban ïoh ïa ki jubab katkum ka por kaba u pan bad kane ka long katkum ka section jong ka RTI act.
U Bah Siangshai u la ong ruh ba ka First Appeal kaba u lah dep ban buh naduh ka 8 tarik u bnai September 2025 u la ïoh lyngba ka email katta ha ka 8 tarik u bnai October 2025 bad ha kane ka email ki don ki katto katne kiba u ong ba un ym lah ban pdiang bad ïa kane ruh un leh ïa kaba donkam katkum ka RTI act.
Ia ka jubab RTI kaba ar kaba u la wan ban shim ha ka 13 tarik u bnai risaw 2025 u ong ïa ki samla ba ki dei ban ïaishah namar un peit bad pule shwa shwa ïa ki jubab.
