U Deputy Commissioner (Supply) ka East Jaintia Hills, Khliehriat ula pyntip paidbah sha baroh ki nongbam rashon kiba hap hapoh ka skhim NFSA jong ka AAY bad PHH kiba don hapoh ka District, ba kito ki bym submit ia u Aadhaar jong ki hapoh u ne u bnai kin sa duh noh ia ka jingmyntoi ne ka bhah khaw jong ki naduh ka 1 tarik Jymmang (May) mynta ka snem.
U la pyntip ruh ba dei tad haduh ba kin da submit ia u Aadhaar jong ki ba kin sa lah ban ioh biang ia ka bhah khaw rashon jong ki.
Ha kajuh ka por pat lada kim lah ban pyndep ia kane hapoh 2 bnai naduh ba la pynmih ia kane ka hukum, kin sa shah weng noh ka kyrteng jong ki na ka list ba ki ju don ne ioh bynta hapoh ka NFSA Act, 2013 bad ha ka jaka jong ki yn sa pynrung kyrteng da kiwei pat kiba dang thymmai, ong shuh shuh u DC (Supply) ka East Jaintia Hills District.