Kum shi bynta ban wanrah ia ka jingshngain ia ki nongshong kali, ka sorkar India kala pynmih ia ka hukum sha baroh ki company ba pynmih ne shna kali hapoh ka ri ba ki dei ban pyndait lang haduh 6 tylli ki balon iada jingmynsaw ne ki airbag ha man la ki kali kiba kit 8 ngut ki pasenjar.
Ia kane ka jingbtah la kren da u Myntri ka sorkar India ba dei peit ia ka Ministry jong ka Road Transport and Highways u Nitin Gadkari ha ka tweet jong u hadien ba u la dep ban soi ia ka Draft jong ka GSR (General Statutory Rules) Notification. U la ong ba nangne shakhmat baroh ki company pynmih kali hapoh ka ri India ki dei ban bud khlem pep ia kane ka hukum, khnang ba kan long ka jingiada ia ki nongshong kali haba jia kino kino ki jingiatakhuh kali.