Ka jingai jinghikai ia ki nongthawkhiew ka Larnai bad Tyrshang kiba don hapoh ka seng Larnai and Tyrshang Black Pottery Products Organized ban tip halor kumno ban song ne thep ia ki mar ba kila pynmih na ka bynta ban die shabar, yn pynlong ha ka sngi nyngkong (Monday) ha District Commerce & Industries Centre, Jowai.
Ia kane ka jingai training yn ai da ki riew shemphang jong ka tnat Commerce & Industries Department, Meghalaya bad ka Indian Institute of Packaging, Kolkata.
Kane ka jingai jinghikai kan long shi bynta ban nang pynkiew shaphrang ia kane ka jait kam kaba long kawei na ki lad kamai kajih. Na ka liang ka sorkar na ka por sha ka por kala la ai ki jinghikai ban ruh shi bynta ban pyniaid iew ia ki mar ki mata jong ki sha kiwei pat ki bynta la ka dei hapoh ka jylla ne shabar ruh kumjuh.
Na ka liang ka tnad ba dei peit ia kane, ka khot ia ki nongiashim bynta ban wan khlem pep sha kane ka training khnang ba kin ioh ia ka jinghikai ba kyrpang halor katei ka phang.