Ka North Liberty HSS kala long ka skul kaba lah ban poi sha ka jingiakhun Final ha baroh lai tylli ki thup jingiakhun ha ka District Inter School Football Tournament (Subroto Cup), 2022 ka West Jaintia Hills District kiba kynthup naduh ka jingiakhun U-14 (Boys), ka U-17 (Boys) bad ka U-17 (Girls) hadien ba kala jop ia ka Semi Final kaba la long mynta ka sngi ha Kiang Nangbah Stadium, Jowai.
Ka jingiakhun Semi Final kaba la long mynta ka sngi, ha ka jingiakhun kaba nyngkong jong ka U-14 (Boys) ka North Liberty HSS kala pynliem ia ka H.K. Singh Memorial SS da 3-1 kol lyngba ka Tie Breaker.
Ka jingiakhun kaba ar ki U-14 ka RC Eve’s SS kala pynliem ia ka Padu SS da 4-1 kol kane ruh lyngba ka Tie Breaker
Ha ka jingiakhun ba nyngkong jong ki U-17 (Girls) ka North Liberty HSS kala lah ban pynliem ia ka RJ CoG da 6-0 kol
Katba ha ka jingiakhun kaba ar jong ka U-17 (Girls) pat ka Kiang Nangbah HSS kala pynliem ia ka Police Public SS da 3-2 kol lyngba ka Tie Breaker
Ha ka jingiakhun ba nyngkong jong ki U-17 (Boys) ka Little Flower SS, Ummulong kala pynliem ia ka Govt. Boys HSS da 1-0 kol
Bad ha ka jingiakhun kaba ar jong ka U-17 (Boys) ka North Liberty HSS kala pynliem ia ka HK Singh Memorial SS da 3-2 kol lyngba ka Tie Breaker.
Ka jingiakhun lashai ka sngi (25.6.2022) ka long kumne harum:-
Ha ka por 9:00 AM ha ka kyrdan U-17 (Girls) ka North Liberty HSS pyrshah ia ka Kiang Nangbah HSS
Ha ka por 10:30 AM ha ka kyrdan U-14 (Boys) ka North Liberty HSS pyrshah ia ka RC Eve’ SS. Katba ha ka por 12:00 PM ha ka kyrdan U-17 (Boys) ka Little Flower SS, Ummulong pyrshah ia ka North Liberty HSS.
