Ka lympung ïalehkai phutbol jong ka kyrdan 1st Division bala pynïaid da ka East Jaiñtia Hills District Football Association kaba la long mynta ka sngi 16 tarik u Naiwieng ha madan Artificial Turf, Diengshynrum, Khliehriat.
Haba phai sha ka jingïakhun Semi Final ba nyngkong ka kynhun ïalehkai jong ka Diengshynrum SC kala jop da 3-1 kol ïa ka Wahiajer Narpuh YSSC lyngba ka jingïashut Tie Breaker. Haba phai hapoh jong ka por ïakhun kila ïakhaid da mar shikol (1-1). Ïa ka kol na ka Diengshynrum SC la thep da u Fadical Pohshna haka minit ba 60. Katba na ka Wahiajer Narpuh la thep da u Denzil Mukhim haka minit ba 69.
Ha ka jingïakhun Semi Final kaba ar ka Shilliang Umshong SC kala pynliem da 6-1 kol ïa ka Iatyllilang SC Hingaria, ïa ki kol na ka Shilliang Umshong la thep da u Henjoymang Khongsai haka minit ba 38,53 & 64 (hattrick), u Lhunminthang Thauthang haka minit ba 43 & 70 bad u Besterly Ksih haka minit ba 58. Na ka liang ka Iatyllilang SC Hingaria ïa ka shikol la thep da u Western Pohshna haka minit ba 56.
Ka jingjop jong kine ki ar kynhun mynta ka sngi ka Diengshynrum SC bad ka Shilliang Umshong SC ki la ïoh ban rung sha ka Phainal jong ka 1st Division EJHDFA mynta u snem 2024 bad kila ïoh ruh ban kiew kyrdan sha ka Super Division ha ka aiom ïalehkai ka ban sa wan (Next Season).
******************************