Ka jingïalehkai phutbol Semi Final ba ar mynta ka sngi 4 tarik u Nailur haka lympung “4th U Adelbert Laloo Memorial Trophy” jong ka kyrdan 3rd Division Football Tournament 2024, bala pynïaid daka West Jaiñtia District Sports Association (WJDSA) Jowai ha madan Kiang Nangbah Stadium Dongmihsngi, Jowai.
Haba phai sha ka jingïakhun ka kynhun ïalehkai jong ka Mulang Ialong kala lah ban pynliem da 2-1 kol ïa ka Myrjai, ïa kitei ki kol na ka Mulang Ialong la thep da u Dangaitlang Mulieh haka minit ba 22 bad u Samith Pale haka minit ba 89. Katba ïa ka shikol naka Myrjai la thep da u Jumonki Phawa haka minit ba 70.
Da ka jingjop jong ka Mulang Ialong kan ïakhun Phainal pyrshah ïa ka Mewhill.