Ka kynhun ïalehkai jong ka Mooknor Thadmuthlong kala ïoh ban rung sha ka jingïakhun phainal jong ka lympung ïalehkai phutbol bala tip kum ka 6th Debo Shullai Memorial Trophy jong ka kyrdan 2nd Division Football Tournament 2023 bala pynïaid da ka West Jaiñtia District Sports Association (WJDSA) ha madan Kiang Nangbah Stadium, Dongmihsngi Jowai.
Ha ka jingïakhun Semi Final mynta ka sngi ka Mooknor Thadmuthlong kala lah ban pynliem da 2-1 kol ïaka Shangpung Khliehmuchut, ïa kitei ki kol na ka Mooknor Thadmuthlong la thep da u Iohi Dhar haka minit ba 30 bad u Rimiki Suchiang haka minit ba 73. Katba ïa ka shikol na ka Shangpung Khliehmuchut la thep da u A. Lamare haka minit ba 6.
Lyngba kane ka jingjop jong ka Mooknor Thadmuthlong kan ïakhun phainal pyrshah ïa ka Chutwakhu ban knieh ïa ka nam lahduh jong kane ka lympung mynta ka snem.