Ka jingïalehkai phutbol Semi Final ha ka kyrdan Super Division Football Tournament 2023 bala ai kyrteng ‘U Kiang Nangbah Memorial Trophy 2023’ ïa kaba la pynïaid daka West Jaiñtia District Sports Association, (WJDSA) Jowai kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun Semi Final kaba lai na ka liang ka kynhun ïalehkai jong ka 7 Wasa United kala lah ban pynliem da 2-1 kol ïa ka Sailung Ialong, ïa ki kol na ka 7 Wasa United la thep da u Niponghi Sumer haka minit ba 11 bad u Risanlang Dkhar haka minit ba 52, katba ïaka shikol naka Sailung Ialong la thep da u Soniroy Suchiang haka minit ba 50.
Lyngba kane ka jingjop jong ka 7 Wasa United kan ïakhun pyrshah ïa ka Ladthadlaboh haka phainal jong kane ka lympung ban ïaknieh ïaka nam lahduh mynta u snem.