Ka lympung ïalehkai kaba la tip kum ka 12th Chatister Kharkongor Memorial Trophy jong ka kyrdan 1st Division Football Tournament 2024, bala pynïaid da ka West Jaiñtia District Sports Association (WJDSA) Jowai kaba la long mynta ka sngi 12 tarik u Naiwieng ha madan Kiang Nangbah Stadium, Jowai.
Haba phai sha ka jingïakhun ‘Semi Final’ mynta ka sngi ka ka Mooknor Thadmuthlong SC kala pynliem da 3-0 kol ïa ka Sohmynting, ïa kitei ki kol na ka Mooknor Thadmuthlong SC la thep da u Ioh i Dhar haka minit ba 42 & 90+2 bad u Manhok Suchiang haka minit ba 84.
Da kane ka jingjop jong ka Mooknor Thadmuthlong SC kan ïakhun Phainal pyrshah ïa ka Chutwakhu SC ha ka 16 tarik u Naiwieng, 2024 sngi Saitjaiñ ha ka por 1 shiteng nohphai sngi ban ïaknieh syndon ïa ka nam lahduh mynta u snem. Ha kaba u ma Finely Pariat uba dei ruh u General Secretary ka Meghalaya State Olympic Association un long kum u kongsan.
********************************