Ka lympung ïalehkai phutbol jong ka kyrdan Super Division Football Tournament, 2024 bala pynïaid da ka Saipung Block Sports Association (SBSA) kaba la long mynta ka sngi 17 tarik u Nohprah, 2024.
Ha ka jingïakhun Semi Final na ka liang ka kynhun Lamyrsiang SC la jop da 2-1 kol ïa ka Mulait United SC, ïa kitei ki kol naka Lamyrsiang SC la thep da u Teiwanmi Bareh ha ka minit ba 10 bad u Jefferson Surong haka minit ba 66. Katba ïa ka shikol na ka Mulait United SC la thep da u Dapynioki Dkhar ha ka minit ba 76.
Ka jingïalehkai hapdeng kitei ki ar kynhun kala long kaba itynnad bha bad kaba ïakhaid bha. Kum ban shu phai ka kynhun jong ka Mulait United FC kala long ruh ka Champion la 2 snem pura kata ha u snem 2022 bad 2023.
Lyngba kane ka jingjop jong ka Lamyrsiang SC kan ïakhun pyrshah ïa ka Jalaphet Mochut Pyrdung SC ban ïaknieh ïa ka nam lahduh (Champion) mynta u snem.