Ka Southern Border Area FC kaba dei ka kynhun na khappud Bangladesh kaba hap hapoh ka South West Khasi Hills District kan sa ia aireng pyrshah ia ka kynhun Rangkynsai ha ka 7 Tarik mynta u bnai ha madan Malki, Shillong.
Ia kane ka lympung la pynlong na ka bynta ban kynmaw burom ia ka sngi iap ba 30 jong u President barim ka Khasi Students Union (KSU) naduh u snem 1984-1990. U Bah Bull N. Lyngdoh uba dei ruh u Nongïalam u bym don ia ka mynsiem sheptieng ban trei bad leh ia ka hok, u Nongïalam ba shlur bad kheiñduh ia ka jingshisha. U Bah Bull u la don bynta ruh ha kaba iakhih na ka bynta ka jingthmu ban wanrah ia ka lynti rel ha u snem 1989. Kum ban shu pynkynmaw ka HYC ka la pynieng da u mot dur ba heh jong une u Nongïalam ha Motphran, Shillong.
Ka jingiakhun final na ka bynta kane ka lympung ia kaba la sdang naduh 21 Naiwieng 2024, kan long kawei na ki jingiakhun ba itynnad tam ha kane ka lympung baroh kawei. Ia ka song Pisa sha ka kynhun kaba long ka lahduh yn khur haduh 1 lakh, bad 50 hajar sha ka kynhun ba wan ba ar kynthup ruh ia ka trophy. Kin don ruh ki jingai ba kyrpang ha katei ka final, ha kaba yn sam ia ka khusnam Player of the Match, player of the Tournament , best discipline team bad best goal keeper.