Ka lympung ïalehkai phutbol bala tip kum ka “3rd Sniawbhalang Football Tournament” kaba la long mynta ka sngi 16 tarik u Kyllalyngkot ha madan Wahiajer Stadium Wahiajer West Jaiñtia Hills District kala jam noh sha ka jingïakhun Semi Final haka 18 bad 19 tarik u Kyllalyngkot.
Haba phai sha ka jingïakhun ‘Quarter Final’ ba saw mynta ka sngi na ka liang ka kynhun ïalehkai jong ka Umjalisiaw kala lah ban pynliem da 1-0 kol ïa ka Mynsngat, ïa katei ka shikol na ka Umjlasiaw la thep da u Saibok Tariang haka minit kaba 31
La pyntip ba saw tylli ki kynhun kin ïaknieh ban ïoh rung sha ka phainal jong kane ka lympung kiba long kumne haka 18/01/2024 ka jingïakhun ba nyngkong kan long hapdeng ka Wahiajer pyrshah ïaka Sohphoh haka por 1 baje shiteng nohphai sngi. Katba ka jingïakhun Semi Final ba ar haka 19/01/2024 kan long hapdeng ka Umjalisiaw pyrshah ïaka Nongkhroh haka por 1 baje nohphai sngi.