Ka Jylla Meghalaya kan sa pynlong ia ki sngi iam briew ba 3 (lai) sngi kum ka dak jingsngewsih halor ka jingkhlad noh jong u Pope Francis.
Ki ar sngi shwa kin dei ha ka 22 bad ka 23 tarik mynta u bnai. Hadien kata yn pynlong biang sa kawei ha ka sngi ba tep don burom ia ka met ba dang sah jong u Pope Francis, ia kaba yn sa pyntip pat kham hadien ia ka tarik.
Hapdeng kine ki por jong ka jingiam briew, ia ka lama lai rong ka ri (National Flag) yn pynher mar shiteng ha baroh ki bynta jong ka Jylla, la khang ruh ban pynlong ia kino kino ki jingleh sngewbha ne ki tamasa ha kitei ki sngi ba la kdew.