[Leit jngoh u Myntri Rangbah ia ka jingpyntrei ia ka JN Stadium]
U Myntri Rangbah jong ka Jylla u Conrad K. Sangma mynta ka sngi u la leit jngoh ia ka jingpyntrei pynheh bad pynbha shuh shuh ia ka Jawaharlal Nehru Stadium kaba don ha Polo, Shillong.
Kane ka jingpyntrei kan kynthup ia ka jingsiang phlang (Natural Grass turf) madan football bad ia ka jaka mareh sport bad kiwei de ki bynta jong ki kynja jingialehkai sport bapher.
U Myntri Rangbah u ong ba ka jingpyntrei ia kane ka madan kan long kaba bha ha ka kyrdan jong ka International Standared bad kan lah ban pdiang wat ia kino kino ki kynja sport kiba heh kiba long International.
Hadien ba la dep ban pyndep ia ka jingtrei ha u bnai Nohprah mynta ka snem kane ka mada kan ngiam haduh 30 hajar ngut ki nongwan peitkai. Marjan bad kane ka stadium la sdang tei ruh ia ki Multipurpose Indoor Stadium kiba kynthup ia ki jingialehkai Basketball, Squash, Badminton, Table Tennis bad kiwei, la ong shuh shuh u Myntri Rangbah.
Kane ka jingpyntrei ia ka Integrated Hospitality and Sport Complex ha JN Stadium ka shongdor Rs.125 klur tyngka, katba ka jingpynbha ia ka JN Sports Complex Phase I kan long Rs.34.75 klur tyngka, ka jingpynbha ia ka Phass II kan long Rs.18.2 klur tyngka bad ka jingpynbha ia ka madan ialehkai ka SSA kan long Rs. 14.81 klur tyngka.