Na ka liang ka shnong Amkoi mynta ka sngi ka pyntip paitbah ba ha ka 9 tarik (Lashai) kan khang ïa ka jaka jngohkai kaba la tip kum ka Sliang Tourist Spot.
Ka shnong ka pyntip ba ka daw ba khang ïa katei ka jaka jngohkai ka long namar ba don ba khlad hapoh katei ka shnong bad kan don ka jingpyndep ïa ka niam ka rukom lashai ka sngi. Kane ka jingkhang kan long tang shi sngi, hadien kane yn sa plie biang kumba ju long man la ka sngi.
La kyrpad ïa kito ki nongjngohkai pyrthei kiba thmu ban wan lashai ba kin sngewbha ban sangeh shwa bad ki lah ban wan ha kawei pat ka sngi, naduh ka sngi Nyngkong tet ter.
