U Deputy Commissioner uba long ruh u Chairman, District Disaster Management Authority (DDMA), East Jaintia Hills District, ha ka jingpynbna paidbah u la ïathuh ba ka jingpynbha ia u surok ka Jowai-Ratacherra (Meghalaya — Assam Border) na ka Km ba 69.200 haduh 173.200 ha ki bynta jong u National Highway-6 ka la sdang bad ka jingtrei kala iaid shait shait mynta.
Na ka bynta ban pynkloi shuh shuh ia ka jingtreikam, u DC ula pynmih ia ka hukum ban khang ia ka jingiaid jong ki kali heh (Heavy Motor Vehicles) ha baroh kitei ki bynta ba ka jingtrei ka dang iaid, kata naduh ka por 8:00 AM haduh ka 5:00 PM naduh lashai ka 12-02-2025 haduh ka 14-02-2025 (Wednesday haduh Friday).
Katba ia ki kali rit (Light Motor Vehicles) ym don jingkhang bad kin iaid kumba ju long man ka sngi.
Kane ka hukum kan treikam noh mardor tad haduh ban da pynmih da kawei pat la pyntip u Deputy Commissioner ka East Jaintia Hills District.