U Commissioner and Secretary, General Administration Department (GAD), Government of Meghalaya, u la pyntip ba kan sa don ka jingsngap jar kaba 2 (Ar) minit ha ka 30 tarik mynta u bnai ha ka por 11:00 baje mynstep kum ka dak jong ka jingkynmaw burom ia kito ki nongialeh laitluid jong ka ri India kiba la aiti ia la ka jingim na ka bynta ka ri.
Ia kane ka sngi la tip ruh ruh kum ka Myrtr’s Day, kumta naduh ka por 10:59 AM ka don ka jingpynpah siren kaba shi minit kum ka dak ban pynkhreh ia kane ka jingthmu bad ha ka por 11:00 AM pat yn pynpaw haduh 2 minit. La bthah ia baroh ki paidbah ba haba ki ioh sngew ia kane ka jingpah siren ki dei ban ieng beit thik ha ka jaka ba ki don kum ka dak ban burom ia ka mynsiem jong kitei ki riew ialeh kiba la aiti la ka jingim na ka bynta ka ri. Ha ka por ba pynpah siren baroh ki kam bad ki jingiaid jingieng ki dei ban sangeh lut ha baroh ki bynta jong ka jylla.
Ha kane ka por ka All India Radio ruh kan sangeh ka jingpynsawa bad ka jingiaid jong ki kali ha ki lynti syngkieng dei ban sangeh hapoh katei ka 2 minit.
Ha ka por 11:02 AM ka siren kan pah biang ban pyntip ba ka por sngap jar kala kut.
Ha nongbah Shillong kan don ka prokram ka ban sa pynlong ha khmat jong ka ophis Meghalaya (Civil) Secretariat, Rilang Building, Shillong.
