Ka Myntri ba khmih ïa ka tnad Information & Public Relation, ka Kong Ampareen Lyngdoh hynnin ka sngi ka la pyntip ba ha ka jingialang jong ki kynhun Myntri, la ai ka jingmynjur ia ka Meghalaya Journalist Welfare Scheme, 2024.
Haba kren sha ki lad pathai khubor, ka Kong Ampareen Lyngdoh ka la iathuh ba ka Sorkar kan sdang ban pyntreikam ia kane ka skhim naduh ka 1 tarik u Nohprah 2024.
“Kane ka skim ka dei ka jingkyrpad kaba la slem bha na ki nongthoh khubor ka Jylla” la ong ka Kong Ampareen. “Ka Journalist Welfare Scheme ka iasyriem bad ka Journalist Welfare Scheme jong ki snem bala leit, mynshwa ka Journalist Welfare Scheme la ai tang T.1 lak lada khlad ki nongpathai khubor. Hynrei ka T. 1 lak ha kane ka juk ka dei kaba dang duna palat, kumta la pynkiew ia ka sha ka T. 5 lak” ka la ong.
“Ha kaba iadei bad ka jingleit sumar pang, ki nong pathai khubor kiba don ia ki jingpang kiba jur, ha ki por mynshwa la ju ai ka jingiarap Pisa kaba long tang T. 50,000 hynrei mynta la pynkiew sha ka T.3 lak” kala bynrap.
Ka Myntri kala pyntip ba ka Committee kaba la thung da ka Sorkar ban khmih ia ka jingpyntreikam ia kane ka skhim, kan sa rai ia ki kyndon ban pyntreikam ia kane ka skhim.