[Credited:Moneycontrol News]
U wei na ki riewshemphang ha ki kam saiñ hima sima na ka ri Pakistan u Najam Sethi ula pynpaw ha ki lad pathai khubor jong katei ka ri, ba ka India kan sa shim ia ka nuksa jong ka Operation Sindoor pyrshah ia ka ri Bangladesh, halor ki jingkren sarong jong ka Dhaka ia ka New Delhi.
U Sethi u ba dei u wei na ki briew ba iajan bha bad u Prime Minister barim ka Pakistan u Nawa Sharif ula pynpaw ha ki lad pathai khubor ba ka India kan ym kheiñsnep ia ki jingkynthoh jong ka Bangladesh bad ka Dhaka kan sa shah ktah kumba jia ia ka Islamabad.
“Ka jingmaham jong ka Bangladesh ia ki jylla jong ka thaiñ shatei lammihngi ne ki Seven Sisters State, Nga tharai ba ka India kan sa leh ei ei, pyrshah ia ka Bangladesh katkum ki kyndon pyniaid kam jong u Prime Minister Narendra Modi. Ka India kan sa pyni ia ka jingkhlaiñ bor jong ka” ong u Sethi.
Na ka liang jong u khlieh nongialam ka Sorkar Bangladesh mynta u Muhammad Yunus ha ka jingleit jngoh jong u ia ka ri China mynshem snem ula ong ba ki jylla jong ka thaiñ shatei lammihngi ki long kiba la ker kut da ki lum, da kaba ong ruh ba dei tang ka Bangadesh kaba dei ka nongpeit nongkhmih bad ka lynti ban poi sha ki duriaw bah.
