Ka ophis jong u Deputy Commissioner, West Jaintia Hills District, Jowai ha ka jingiatreilang bad ka Ministry jong ka Tribal Affairs kala rakhe ia ka prokram Hamara Sankalp Viksit Bharat ha Thadlaskein C&RD Block, West Jaintia Hills.
Kala don ka prokram ai jingpynsngewthuh kaba la pynlong ha ATS Kyortyrkhang, Khliehtyrshi West Jaintia Hills District. Ki ophisar na ka Block ophis, ka KVK, Agriculture, i Branch Manager SBI, Jowai, ki nongmihkhmat na ka LPG gas agency bad kiwei kila ai ka jingpynsngewthuh sha ki nongwan iashim bynta halor ki skhim sorkar bapher bapher ba kynthup ia ka skhim, PMAY, PMJAY, NRML, Atal Pension Yojna, PM Jan Dhan Yojana, Nano fertilizers. Kum kane ka prokram la pynlong ruh ha Moopyllaitsyiar, Khliehtryshi mynta ka sngi.
La shim ruh ka jingteh soskular da ki nongwan iashim bynta bala lam khmat da u bah B. Langbang, BDO ka Thadlaskein Block.
Na ka liang jong u bah B. Langbah ula pyntip ba ka Viksit Bharat Sankalp ka dei ka prokram jong ka sorkar kmie da ka jingthmu ban ai ki lad jingpynsngewthuh shaphang ki skim sorkar ia ki paidbah lyngba ka IEC kum ka Information, Education bad ka Communication). Kan don ka kali (IEC Van) ka ban leit shaduh 49 tylli ki nongkyndong hapoh ka Thadlaskein Block.
Hapdeng kane ka prokram na ka liang ka tnat Medical kala pynlong ia ka jingai jingsumar ei kynthup ia ka jingthew ia ka BP, jingtest TB bad ka jingpynioh ia ki smart Card.
Kala don ruh ka jingai jingkren na ka liang jong ki nongioh jingmyntoi na ki skhim sorkar bapher ban pynpaw ia ka jingshem jinglap jong ki. Ka la don ruh ka jingialehkai drama lyngkot ba la iashim bynta da ka VO jong ka shnong Kyortyrkhang, halor ka khubor ban pynneh pynsah ia ka mei mariang.
