U Deputy Commissioner (Election), East Jaintia Hills District, Khliehriat ula pyntip ba ki kyrtong ki don jingthmu ban iakhun ia ka elekshon MLA na ka 6-Khliehriat (ST) Assembly Constituency bad 5-Sutnga Saipung (ST) Assembly Constituency ki la lah ban pyndap noh ia ki Nomination paper jong ki bad ban pynpoi sha ki Returning Officer ka District.
Na ka bynta ka 6-Khliehriat (ST) Assembly Constituency: Ki kyrtong lane kino kino ki nongmihkhmat jong ki, ki lah ban pynpoi ia ki Nomination paper jong ki sha u bah G. Warjri, MCS, Returning Officer lane sha ka kong F. Wann, MCS, Assistant Returning Officer ha ka kamra kaba 213 ha ophis u Deputy Commissioner, East Jaintia Hills District, Khliehriat.
Ia ki Nomination paper lah ban wan pynpoi hapdeng ka por 11:00 AM haduh ka 3:00 PM ha kano kano ka sngi, lait noh tang ha ka sngi shiti (Public holiday). Ka tarik ba khadduh ban pdiang ia ki Nomination paper kan long ha ka 7 tarik u Rymphang 2023 haduh ka por 3:00 PM (Tuesday). Ia ki form jong ki Nomination paper lah ban ioh na kane ka ophis.
Ia ki Nomination paper yn sa jurib bniah (Scrutiny) ha ka kamra No.210 ha Conference Hall ka ophis u DC East Jaintia Hills ha ka 8 tarik u Rymphang 2023 ha ka por 11:00 AM.
Ia ka jingweng kyrteng yn pdiang haduh ka 10 tarik u Rymphang, 2023 (Friday) hashwa ka por 3:00 PM
Na ka bynta ka 5-Sutnga Saipung (ST) Assembly Constituency: Ia ki Nomination paper dei ban pynpoi sha u J. Shylla, MCS, Returning Officer lane sha u R. Brahma, MCS, Assistant Returning Officer ha ka kamra kaba 242 ha ophis jong u Deputy Commissioner, East Jaintia Hills District, Khliehriat, naduh ka por 11:00 AM haduh 3:00 PM manla ka sngi lait noh ka sngi shuti.
Hangne ruh ka jingpdiang ba khatduh ia ki Nomination paper kan long hi ha ka 7 tarik u Rymphang 2023 haduh ka por 3:00 PM.
Ia ki Nomination paper yn sa jurib bniah ha ka kamra No.225, ha Conference Hall, Office jong u Deputy Commissioner, East Jaintia Hills District, Khliehriat ha ka 8 tarik Rymphang 2023 naduh ka por 11:00 A.M.
Ia ka jingweng kyrteng yn pdiang haduh ka 10 tarik u Rymphang, 2023 (Friday) hashwa ka por 3:00 PM.
La pyntip ba ka jingiathep vote ha ka 27 tarik Rymphang kan sdang naduh ka por 7:00 AM haduh ka por 4:00 PM.