U Sub-Divisional Officer (Supply) jong ka Amlarem Sub –Division u la pynbna paidbah ba ia ka Umphniang Sharak S.K.Oil na ka bynta u bnai Risaw yn sa pyllait sha ki dukan die khutia S.K.Oil ha ka 29 tarik u Risaw 2021.
La bthat ia ki paidbah ban leit shim ia ka umphniang jong ki na ki Fair Price Shop Centre ki ba don ha ki shnong ki shnong jong ki.
Lada don kino kino ki bym ioh ia ki tei ki mar jong ki lane lada don ki ba oh dor palat, ki lah ban ujor sha ka ophis jong u S.D.O. (Supply) da ka ba thoh shai ia ka kyrteng bad ka shnong jong ki khnang ba yn lah ban pynshitom ia ki. Lah ruh ban ujor ha kine ki Number harum. SDO – +918822922422, Sub-Inspectors – 8414806738/ 9436110184/ 8731025753, lane lyngba ka Email: sdo_amlarem@outlook.com .
Ha ka juh ka por ka Ophis jong U Sub-Divisional Officer (Supply), Amlarem Sub-Division ka la pynbna paidbah ba la pynkylla ia ka dor jong ka Umphniang sharak (S.K.Oil) kumne harum:-
Ka dor dielang ha Jowai ka long Rs.52.00 shi liter ka dor (S.K. Oil Agency) ha Jowai ka long Rs.46.65.
Ka bai Transportation Charges ka long Rs.2.00 shi liter, ka bai Godown bad ka bai kit bai bah ka long Rs.1.85 shi liter, Profit Margin ka long Rs.1.50 shi liter.
Ka dor dielang ha Amlarem ka long Rs.54.00 shi liter (S.K. Oil Agency) ha Amlarem ka long Rs.52.00 shi liter. Ka bai Transportation Charges ka long Rs.1.00 shi liter, Profit Margin ka long Rs.1.00 shi liter.
Ia kitei ki dor thymmai la pyntrei kam naduh ka 1 tarik u bnai Risaw 2021.