Ka Seiñ Kur Dkhar East Jaintia Hills District, kan pynlong ia ka Fete cum Dancing Competition ba shisngi jong ka ha Eastside Inn, Jaliyiah, East Jaintia Hills, ha ka 08.04.2023, naduh ka por 10:00AM haduh ka por 10:00PM mynmiet, na ka bynta ban pynmih pisa ban ioh shna ia ka ïingtreikam ba pura jong ka seng, ia kaba la sdang shna ia mynta ha ka shnong Mookhep, East Jaintia Hills.
Ha katei ka sngi, yn don shibun ki iew ki hat ba har rukom (various items) naduh mynstep haduh mynmiet, kiba kynthup ia ka housie, ka iew die jaiñ die nep, ka iew die tiar die tar lem bad ka jingpyniakhalai nusib ia ka Lucky Draw jong ka seng.
Kumjuh ruh, ha katei ka sngi, ha ka por 7:00 PM kan don ka Dancing Competition, ha kaba ki 20 ngut ki nongiakop shad ba satar, kiba na kylleiñ sawdong jong ka Ri Khasi Jaiñtia, kiba lah dep ai kyrteng lypa ia lade, kin wan iashim bynta.
Kumta, la kyrpad ia baroh ki kur Dkhar kiba don ha kylleng sawsong ka Ri Jaiñtia, khamtam eh ia ki kiba don ha East Jaintia Hills District, bad kumjuh ruh ia ki paralok baroh ban ia pyllait por ban iawan shit rhem sha ktei ka Fete cum Dancing Compettion jong ka SKDEJHD, ka ban long lashai ka sngi, ka por bad ka jaka ba la kdew haneng, khnang ba katei ka jingthmu jong ka seng, kan long kaba phuh baphieng, kaba shongkun bad ruh kaba jop pura.
Kane ka long kat kum u kyrwoh ba la pyllait da u Bah M H Dkhar, Ad. Genl. Secy. Seiñ Kur Dkhar East Jaintia Hills District.